Әлмәттә табигатьне саклау законнары таләпләрен үтәү мәсьәләләре буенча кабул итү узачак

Башкарма комитет бинасында 23 ноябрьдә 11:00 сәгатьтә Татарстанның табигать саклау районара прокуроры Айрат Низамиев гражданнарны шәхси кабул итәчәк.

Очрашуда шулай ук ТР Экология һәм табигый байлыклар министрлыгының Көньяк-Көнчыгыш территориаль идарәсе башлыгы һәм табигатьтән файдалану өлкәсендә күзәтчелек буенча федераль хезмәтнең Идел-Кама төбәкара идарәсенең ТР буенча дәүләт контроле (күзәтчелеге) бүлеге башлыгы урынбасары булачак.

Кабул итүдә халык табигатьне саклау законнары таләпләрен үтәүгә кагылышлы барлык мәсьәләләр буенча киңәшләшә алачак.