Әлмәтлеләрне экология темасына ясалган рәсемнәр бәйгесендә катнашырга чакыралар

Шәһәрнең экология һәм төзекләндерү департаменты «Экология балалар күзлегеннән» дигән рәсемнәр конкурсы игълан итә.

«ЭКОяз -2021» республика акциясе кысаларында Әлмәт районында уздырылучы бәйгедә 6 яшьтән 14 яшькә кадәр барлык теләүчеләр катнаша ала.

Үз эшегезне ekologiabuh@rambler.ru почтасына “Конкурска” дип язып җибәрегез.

Эшләр районның  экология һәм төзекләндерү департаменты муниципаль бюджет учреждениесенең рәсми инстаграмында урнаштырылачак.

Барлык катнашучыларга сертификат, ә җиңүчеләргә истәлекле бүләкләр тапшырылачак.

Конкурс нигезләмәсе белән Әлмәт районының рәсми порталында экология бүлегендә танышырга мөмкин.