Әлмәт укучылары өчен мәчеттә экскурсия оештырылды

2 нче лицейның 4 “В” сыйныфы укучылары, аларның әти-әниләре сыйныф җитәкчесе Мәрданова Е.У. җитәкчелегендә Әлмәт шәһәренең “Нурлы” мәчетендә экскурсиядә булдылар. 4 нче сыйныфта укучылар дини культуралар һәм дөньяви этика нигезләрен (ОРКСЭ фәне кысаларында) өйрәнәләр, дөньядагы диннәр белән танышалар.

13 малай, 18 кыз сыйныф җитәкчесе белән ике төркемгә бүленеп, кызлар хатын-кызлар өчен, ә малайлар ир-атлар өчен керү ишегенә юнәлделәр.

Экскурсияне Мәхсүм хәзрәт Нуртдинов алып барды.

Укытучы Мәрданова Е.У. белән балалар гыйбадәт залларында (хатын-кызлар һәм ир-атлар) булдылар, үзәк залда җыелып, Мәхсүм хәзрәтнең дин, кешенең килеп чыгышы, дини бәйрәмнәре, аларның үзенчәлекләре һәм гореф-гадәтләре турында сөйләвен тыңладылар. Балаларга «хәләл», «садака», «намаз» , «хаҗ» , «исем кушу», «никах» һ. б. төшенчәләрен аңлаттылар.
Изге китап — Коръән һәм аны уку үзенчәлекләре турында сөйләде.

Укучылар белән экскурсия диалог, әңгәмә форматында алып барылды, дип хәбәр итә Әлмәт мөхтәсибәте.

Фото: Әлмәт мөхтәсибәте