Әлмәттә авыл хуҗалыгы ярминкәсендә 30дан артык хуҗалык үз продукциясен тәкъдим итте

2 апрельдә Әлмәттә «Торговый двор»  мәйданчыгында традицион авыл хуҗалыгы ярминкәсе узды. Анда 30дан артык шәхси ярдәмче хуҗалык һәм крестьян-фермер хуҗалыгы үз продукциясен тәкъдим итте.

"Продукция төрле: шикәр дә, бәрәңге дә, яшел тәмләткечләр дә, яшелчә дә, җиләк — җимеш тә, сезнең өстәлгә кирәк булган бөтен нәрсә дә бар", - дип билгеләп үтте Әлмәт районының авыл хуҗалыгы һәм азык-төлек идарәсе башлыгы Фәнис Шәрәфиев.

Авыл халкы кулай бәяләрдән сыйфатлы продукция сатып ала алды: ит, казылык, сыр, бал, ярмалар, шикәр, хәләл-продукция, яшелчә һәм җиләк-җимеш, җирле җитештерүчеләрдән сөт, ә «Деревня» авыл хуҗалыгы җитештерү кооперативы бер тонна кәбестә алып кайтты.

"Ярминкәләр очрашу урыны һәм Әлмәттә ял көненең матур традициясе булып тора",-дип язган үзенең телеграмында Әлмәт районы башлыгы Тимур Нагуманов.

Авыл хуҗалыгы ярминкәләре һәр атна саен 23 апрельгә кадәр шимбә көннәрендә узачак.