"Музейлар төне-2020" онлайн форматта үтәчәк

Быелгы эпидемиологик  вәзгыятькә бәйле рәвештә Бөтенроссия акциясе онлайн-форматта узачак.

Анда Татарстанның йөздән артык музее катнашыр дип көтелә.

Программа үз эченә мастер-классларны, виртуаль күргәзмәләрне, марафоннарны, лекцияләрне, уен программаларын, әдәби-музыкаль кичәләрне, театральләштерелгән тамашаларны, концерт программаларын, шулай ук квест-уеннарын да ала.

Быелгы акциянең темасы Бөек Ватан сугышында Җиңүнең 75 еллыгына багышланган. Аның төп бурычы булып аудиториянең игътибарын музей коллекцияләренә, тематик чаралар ярдәмендә тарихка һәм мәдәни мираска җәлеп итү.

Балалар һәм өлкәннәр бу көнне өйдән чыкмыйча гына уникаль экспонатлар, һәм китап басмалары, сәнгать әсәрләре, Бөек Ватан сугышы һәм аның геройлары турында кызыклы фактлар белән таныша алачак.