Татарстанның көньяк-көнчыгыш хәбәрләре (28.06.2024)

- Быел Әлмәт рекорд куйды. Шәһәр мәктәпләреннән 25 укучы бердәм дәүләт имтиханын 100 баллга тапшырган. 

- 500гә якын әлмәтле талпан кадалганнан соң табибларга ярдәм сорап мөрәҗәгать иткән. Республика буенча барлыгы 5000нән артык очрак теркәлгән.

- «Чатыр-Тау» дәүләт табигать тыюлыгы территориясендә Кызыл китапка кертелгән дала лачыннарын торгызу буенча уникаль эксперимент старт алды. Аның территориясендә 10 баш кош иреккә җибәрелде.