Татарстанның көньяк-көнчыгыш хәбәрләре (24.06.2025)

- Тыл хезмәтчәненә 95 яшь тулды. Тыл хезмәтчәне Хәмидә Габдрахманова юбилеен билгеләп үтте – аңа 95 яшь тулды. Юбилярның тормыш юлы җиңелләрдән түгел. Бөек Ватан сугышы аның бала чагын урлый һәм ул яшьли авыр хезмәтне татып үсә.

- Әлмәттә Бөек Ватан сугышында һәлак булганнарны искә алдылар Хәтер һәм кайгы көне. 1941 нче елның 22 июне – илебез тарихында иң кайгылы көннәрнең берсе.Бөек Ватан сугышы башланган көн. Әлмәттә Мәңгелек утка чәчәкләр салдылар һәм шәмнәр кабыздылар.

- Районда 15 ФАП һәм 21 сөт кухнясы яңартылган. Халык сәламәтлеген кайгыртып. Әлмәт районында 15 фельдшер-акушерлык пункты һәм 21 сөт кухнясы ремонтланган, ә тагын берничә яңа медпункт төзелеш стадиясендә.