Татарстанның көньяк-көнчыгыш хәбәрләре (16.05.2025)

-Әлмәт хәрбиләргә ярдәм итүен дәвам итә. Бу көннәрдә өч полк сугышчыларына квадроцикллар, дарулар, азык-төлек, шәмнәр һәм башка бик күп кирәк-яраклар җибәрделәр. Гуманитар ярдәмне хәрбиләр заказы буенча бөтен район белән җыйганнар.

-Проблемалы участокларга комиссиянең чыгуы планлаштырылган.Май уртасындагы гадәти көчле яңгыр Әлмәтнең җәйге сезонга бик үк әзер булмавын күрсәтте. Урамнар һәм микрорайоннарны су басты, ә кайбер шәхси сектордагы ишегалларында хәтта күлләр барлыкка килгән.

-«Клад» фильмы ярты гасырлык юбилеен билгеләп үтте.Свердловск киностудиясенең «Клад» фильмы ярты гасырлык юбилеен билгеләп үтте. Аны Тайсуган авылында төшергәннәр. Әлмәт иҗтимагый үзәгендә Гариф Ахуновның Хәзинә романы буенча төшерелгән картинаны күмәк карау узды.